Kókshetaýda jol apatynan 4 adam zardap shekti
KÓKShETAÝ. QazAqparat - Kókshetaýda jol-kólik oqıǵasy bolyp, tórt adam zardap shekti, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, oqıǵa jeltoqsannyń 11-de saǵat 01:20 shamasynda oryn alǵan.
Temirjol vokzaly mańynda Abaı kóshesiniń boıymen júrip kele jatqan «Chevrolet Malibu» kóligi aldyndaǵy kólikti basyp ozbaq bolyp, qarsy baǵytta júrip kele jatqan «Mercedes-Benz» kóligine soqtyǵysqan. Jol apatynan eki kóliktiń júrgizýshisi men «Chevrolet Malibu» kóliginiń eki jolaýshysy Aqmola oblystyq kópbeıindi aýrýhanasyna jatqyzyldy.
Qazirgi kezde birneshe adam zardap shekken jol-kólik oqıǵasyna baılanysty QR QK 345 babynyń 1 bóligi boıynsha sotqa deıingi tergeý amaldary júrip jatyr.
