Kókshetaýda joǵalyp ketken 12 jastaǵy bala aman-esen tabyldy
KÓKShETAÝ. QazAqparat – Kókshetaýda iz-túzsiz joǵalǵan 12 jastaǵy kókshetaýlyq aman-esen tabyldy, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, ýchaskelik ınspektor polıtsııa kapıtany Raıymbek Qabýdálıev pen Janat Meńdibaev qala kósheleri men turǵyn úı aýlalaryn súzip shyǵyp, kýágerlerden surastyrdy. Nátıjesinde joǵalǵan bala kóshede oınap júrgen jerinen tabyldy. Tártip saqshylary balany ata-anasyna qaıtardy.
Aıta keteıik, 26-shy sáýir kúni saǵat 14:21 Kókshetaý qalalyq PB kezekshilik bólimine 1984 jylǵy er adam habarlasyp, 12 jastaǵy uly Sergeı Aleksandrovıch Krıvonojkony izdeýge kómek surady.
Ákesiniń aıtýynsha, uly saǵat 13:00 shamasynda qaryndasyn №16 orta mektepke shyǵaryp salmaqshy bolǵan. Alaıda, bala sodan úıine qaıtyp kelmegen edi.
