Kókshetaýda joǵalyp ketken áıeldi izdeý jumystary eki aptadan beri jalǵasyp jatyr
ASTANA. KAZINFORM – Kókshetaýda iz-túzsiz joǵalǵan 48 jastaǵy áıeldi izdeý jumystary eki aptadan beri jalǵasyp jatyr, dep habarlaıdy Aqmola oblysy polıtsııa departamenti.
Polıtsııanyń málimetinshe, Maral Quttybaıqyzy Ábýova 12 maýsym kúni úıinen belgisiz baǵytqa shyǵyp ketken. Sodan beri týystarymen baılanysqa shyqpaǵan. Úıinde ony jubaıy men kámeletke tolmaǵan eki balasy kútip otyr.
Іzdestirilip jatqan áıeldiń boıy shamamen 170 sm, dene bitimi aryqsha, shashy qara, kózi qońyr. Joǵalǵan kúni ústinde aqshyl tústi kóılek bolǵan.
«Ótinish túsken sátten bastap polıtsııa qyzmetkerleri jedel-izdestirý sharalaryn júrgizip jatyr. Beınebaqylaý kameralarynyń jazbalary tekserilip, týystary, tanystary jáne yqtımal kýágerlerden jaýap alyndy. Aldyn ala málimet boıynsha, izdeýdegi áıelge uqsas adam Býrabaı kýrorttyq aımaǵynda baıqalǵan», – dep habarlady Aqmola oblysy polıtsııa departamenti.
Osyǵan baılanysty tártip saqshylary Býrabaıǵa kelgen turǵyndar men týrısterden muqııat bolýdy surady.
Polıtsııa Maral Quttybaıqyzy Ábýovanyń júrgen jeri týraly qandaı da bir aqparat biletin azamattardy 102 nómirine nemese jaqyn jerdegi polıtsııa bólimine habarlasýǵa shaqyrdy.
Aıta keteıik, Aqmola oblysynda daladan tabylǵan balanyń jaǵdaıy belgili boldy.
