Kókshetaýda joǵalǵan 19 jastaǵy boıjetkenniń denesi tabyldy
KÓKShETAÝ. QazAqparat - Búgin keshke Kókshetaýda joǵalǵan 19 jastaǵy boıjetkenniń jansyz denesi tabyldy. Bul týraly Kókshetaý volonterleriniń áleýmettik jelidegi Kokshetau.Lider.KZ tobynda jarııalandy, dep habarlaıdy QazAqparat tilshisi.
Osyǵan deıin habarlaǵanymyzdaı, 19 maýsymda Kókshetaý qalalyq PD kezekshi bólimine jergilikti turǵyn habarlasyp, 2001 jyly týǵan sińilisi Anastasııa Aleksandrovna Romasıýndy izdep tabýǵa kómek suraǵan bolatyn.
Ápkesiniń aıtýynsha, Anastasııa bir kún buryn jumysyna ketip, qaıta oralmaǵan. Al jumys ornyndaǵylar Anastasııanyń 18 maýsym kúni saǵat 15:00 shamasynda zattaryn alyp, belgisiz baǵytta ketip qalǵanyn aıtqan.
Sol kúni keshki saǵat 22:00 deıin onyń uıaly telefony qosýly turǵan.
Boıjetkendi izdeýge departamenttiń jeke quramy men áleýmettik jelidegi Kokshetau.Lider.KZ tobynyń volonterleri tartyldy.
Aqparat kózine súıensek, boıjetkendi izdeý tobynda bolǵan ýchaskelik polıtsııa ınspektory jáne kámelet jasyna tolmaǵandar isi boıynsha ınspektor Kókshetaýdaǵy Buqpa taýy aýmaǵynda asylǵan kúıinde taýyp alǵan.
Qazirgi kezde osyǵan baılanysty QR QK 105-babynyń 1-bóligi boıynsha (óz-ózine qol jumsaýǵa ıtermeleý) tergeý amaldary qolǵa alyndy.
Qyzdyń denesinde kúsh qoldanýdyń belgileri joq, tek moınynda jiptiń izi ǵana bar.
Eske sala keteıik, Kókshetaýda 19 jastaǵy qyzdyń tórt kúnnen beri tabylmaı jatqanyn jazǵan bolatynbyz.
