Kókshetaýda jertóleden shyqqan órtten 22 adam evakýatsııalandy
KÓKShETAÝ. QazAqparat - Kókshetaý qalasynda Abylaıhan dańǵylyndaǵy 20-úıdiń jertólesinen órt shyǵyp, 22 adam evakýatsııalandy, dep habarlaıdy QazAqparat tilshisi Aqmola oblystyq TJD baspasóz qyzmetine silteme jasap.
«Búgin tańǵy saǵat 08:14 shamasynda Aqmola oblystyq TJD «ÓS jáne AQJQ» MM kezekshilik bólimine Abylaıhan dańǵyly, 20 mekenjaıynda ornalasqan turǵyn úıdiń jertólesinen órt shyqqany týraly habarlandy. Aıtylǵan mekenjaıǵa órt sóndirý qyzmetkerleri men arnaıy tehnıka tartyldy», - dep atap ótti Kókshetaý qalasy TJB bastyǵy Áset Jaqsylyqov.
Vedomstvonyń málimetinshe, órtten 22 adam (onyń tórteýi - bala) evakýatsııalandy. Olardyń arasynda zardap shekkender joq. Qazirgi kezde órttiń shyǵý sebepteri anyqtalyp jatyr.
