Kókshetaýda jer aýdarylǵan nemister týraly fılm kórsetildi

KÓKShETAÝ. QazAqparat - Kókshetaýda nemis rejısseri Borıs Shvartsmannyń  «Zakrytaıa tema» jəne «Dorogı Ervına Immekýsa» fılmderi kórsetildi, dep habarlaıdy QazAqparat tilshisi.

Fılm Qazaqstan halqy Aqmola assambleıasynyń janyndaǵy oblystyq «Vıdergebýrt»  nemis qaýymdastyǵynyń qoldaýymen kórsetilip otyr. Qos fılmde de soǵys, deportatsııa sııaqty qıyn kezinde jer aýdarylǵan nemisterdiń taǵdyry sýrettelgen.

«Deportatsııa kezinde kóptegen ulttardyń qatarynda nemisterde Qazaqstannan pana tapty. Sol qıyn kezeńde qazaq halqy taǵdyr tálkegine tap bolǵan adamdardy dalada qaldyrǵan joq», - dep atap ótti Qazaqstan halqy Aqmola assambleıasynyń hatshylyǵynyń meńgerýshisi Rınat Gallıamov.

Týyndyny túsirýge Soltústik Reın-Vestfalııa jeriniń mádenıet jáne ǵylym mınıstrligi uıytqy bolǵan. Joba «Dem Anderen  endgegen» dep atalady. Ondaǵy maqsat «orys nemisteriniń» tarıhyn, qıyn joldaryn keleshek urpaqqa mura etip qaldyrý.

Aıta keteıik, fılmniń rejısseri Borıs Shvartsman, prodıýseri Katıa Baıl, operatory Ivan Kotelnıkov jáne aýdarmashysy Lev Shvartsman. Bul fılmder osyǵan deıin Býrabaıdaǵy «Baldáýren» balalardyń saýyqtyrý ortalyǵynda kórsetilgen bolatyn, endi kókshetaýlyq kórermenderge usynylyp otyr.