Kókshetaýda JEO salý nege sozylyp ketti
«Kókshetaý jylý elektr ortalyǵyna qatysty aıtar bolsam, konkýrs eki ret ótkizildi. Memleket oryndalmaıtyn shart qoıyp otyr, deıdi. Memleket memlekettik múddege saı keletin sharttardy qoıady», - dedi Roman Sklıar Úkimet otyrysynan keıin BAQ ókilderiniń saýalyna oraı.
Sonymen qatar birinshi vıtse-premer qazirgi ýaqytta jabdyqtar baǵasy kúrt qymbattap ketkendigin atap ótti.
«Degenmen, belgili oqıǵalarǵa, logıstıkalyq tizbekterge baılanysty jabdyqtar baǵasynyń kúrt qymbattaýyn eskere otyryp, tehnıkalyq-ekonomıkalyq negizdemeni túzetý talap etiledi. Bul stansany bıýdjet qarajaty esebinen de salýǵa bolady. Biraq, biz naryqtyq qýaty boıynsha jeke qarajat esebinen salǵymyz keledi. Bul jumys júrgiziledi. Menińshe, osy jyldyń ishinde ony salatyn kompanııany anyqtaıtyn bolamyz», - dedi Roman Sklıar.
