Kókshetaýda jeńil kólik órtenip júrgizýshisi kóz jumdy

KÓKShETAÝ. QazAqparat - Kókshetaýda órtengen kóliktiń salonynan tabylǵan er adamnyń jeke basy anyqtalyp jatyr, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, 15 qarashada tańǵy saǵat 05:53 shamasynda Kókshetaý qalalyq PB jedel basqarý ortalyǵyna Áýezov-Podgornaıa kósheleriniń qıylysynda, ıaǵnı Krasnoıar baǵytynda avtobýs aıaldamasyna «Mersedes – ML-320» kóligi soǵylyp, artynsha órtengen.

«Oqıǵa ornyna jedel-tergeý toby jetti. Órtti sóndirý barysynda kólik salonynda er adamnyń kúıip ketken máıiti tabyldy. Polıtsııa basqarmasy osy derek boıynsha tekserýdi bastady. Kólikte kóz jumǵan er adamnyń jeke basy anyqtalyp jatyr. Sot-medıtsınalyq saraptama taǵaıyndaldy», - dedi vedomstvodan.