Kókshetaýda jeńgetaılyqpen aınalysqan eki áıel ustaldy
KÓKShETAÝ. QazAqparat - Kókshetaý qalasynyń eki turǵyny jas qyzdardy jezókshelikpen aınalysýǵa májbúrlegen, dep habarlaıdy QazAqparat Aqmola oblystyq Іshki ister departamentiniń baspasóz qyzmetine silteme jasap.
Atalmysh qylmystardy tártip saqshylary «Stop trafık» operatsııasynyń barysynda anyqtady. Uıymdasqan qylmysqa qarsy bólimi men ákimshilik polıtsııa qyzmetkerleri men kóshi-qon qyzmetiniń ókilderi birqatar reıd sharalaryn júrgizip, onyń barysynda ónerkásip nysandary, aýyl sharýashylyǵy aýmaqtary, oıyn-saýyq oryndary men qonaq-úı monsha keshenderin teksergen. Jedel ýákilder adam saýdasymen baılanysty 6 qylmysty anyqtaǵan. Onyń ishinde 2 fakti jezókshelikpen aınalysýǵa májbúrleýmen, 4 fakti jeńgetaılyqpen balanysty bolyp otyr.
Sonymen qatar arnaıy operatsııa barysynda oblystyń Kókshetaý, Şýchınsk, Atbasar jáne Stepnogorsk sııaqty óńirlerinde jeńgetaılyqpen aınalysý áreketteri anyqtaldy. Zań buzýshylar qyzdardy belgili bir somadaǵy qarjyǵa ıntımdi qyzmetpen aınalysýǵa mijbúrlegen. Kórsetiletin qyzmettiń baǵasy 1000-nan 5000-ǵa deıin barady.
«Qazirgi tańda anyqtalǵan barlyq faktiler boıynsha sotqa deıingi tergeý sharalary júrip jatyr. Aıta ketetin másele atalǵan zańsyz áreketter úshin belgilenetin bap múlkin tárkileı otyryp, 5 jylǵa deıin bas bostandyǵynan aıyrý jazasyn qarastyrady»,-dep qosty ІІD-niń baspasóz qyzmetindegiler.
