Kókshetaýda «Jemisti jyldar» albom-kitabynyń tanystyrylymy ótti
KÓKShETAÝ. QazAqparat - Kókshetaýdaǵy Málik Ǵabdýllın mýzeıinde kókshelik zııaly qaýym ókilderiniń qatysýymen, búginde rýhanı ortalyqqa aınalǵan mýzeıdiń shırek ǵasyr tolýyna oraı shyǵarylǵan «Jemisti jyldar» albom kitabynyń tanystyrylymy ótti, dep habarlaıdy QazAqparat tilshisi.
Albom kitapqa Málik Ǵabdýllın mýzeıiniń osy jyldar aralyǵynda atqarǵan taǵylymdy jobalary men tálimdi bastamalary, kókshelik zııaly qaýym ókilderiniń, belgili ǵalymdardyń ǵylymı maqalalary jáne respýblıka boıynsha áriptesterimizdiń jyly lebizderi toptastyryldy. Sharany mýzeı dırektory Qudaıberli Myrzabek ashyp, júrgizip otyrdy.
Іs-sharada «Qoǵamdyq kelisim» saraıynyń basshysy Ermek Nuǵymanov «Jemisti jyldar» albom-kitabyna jan-jaqty sholý jasady. Mýzeı janashyrlary,qoǵam qaıratkeri, jazýshy-dramatýrg Jabal Erǵalıev, Aqmola oblystyq ardagerler keńesiniń tóraǵasy Ǵosman Tóleǵul, Málik Ǵabdýllın atyndaǵy Kókshetaý tehnıkalyq ınstıtýtynyń oqytýshysy Qalıjan Narbaev, Aqmola oblysy mádenıet, arhıvter men qujattamalar basqarmasynyń basshysy Aıgúl Sábıtova sóz sóılep, óskeleń urpaq úshin atalmysh kitaptyń tárbıelik mańyzy zor ekenin atap ótti.
Sharaǵa jınalǵandarǵa atalmysh albom-kitap úlestirilip, 25 jyl boıy dańqty jerlesimizdiń ónegeli ómiri men shyǵarmashylyǵyn nasıhattap júrgen mýzeı qyzmetkerleri Alǵys hatpen marapattaldy.
