Kókshetaýda jedel járdem kóligi jol apatyna ushyrady
KÓKŞETAÝ. QazAqparat – Kókshetaýda jedel járdem kóligi jol apatyna ushyrady. Zardap shekkender joq, tek kólikke mehnıkalyq zalal keldi, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, jol apaty Ýálıhanov kóshesi men Nazarbaev dańǵylynyń qıylysynda bolǵan.
Jedel járdem kóligi men «Volkswagen Passat» kóligi soqtyǵysty.
«Sońǵy málimet boıynsha, jedel járdem kóliginiń júrgizýshisi ózge kólikter ony jiberip turǵanyna kóz jetkizip almaı, jol burylysyna shyqqan. Endi júrgizýshiniń kináli ne kinásizdigin sot anyqtaıdy» deıdi vedomstvodan.
Alaıda, jedel járdem kóligi júrgizýshisiniń sózine sensek, ol qyzyl túske kelgen kezde kólikter toqtap, oǵan jol bergen. Sol kezde ózge kólikterdiń artynan ozyp shyqqan «Volkswagen Passat» kelip oǵan soǵylǵan.
Aıta keteıik, jedel járdem kóligi tyryspasy ustaǵan naýqasqa shaqyrý boıynsha bara jatqan. Aqmola oblystyq jedel járdem ortalyǵynyń bas dárigeri Aleksandr Vysotskııdiń aıtýynsha, mundaı sanattaǵy naýqastarǵa jedel jetý kerek.
Atalmysh kólik jol apatyna ushyrǵandyqtan naýqasqa ózge brıgada jiberildi.
