Kókshetaýda jaıaý júrginshiler jolynda áıeldi kólik qaǵyp ketti
ASTANA. QazAqparat - Kókshetaýda kólik júrgizýshisi jaıaý júrginshiler jolynda ketip bara jatqan áıeldi qaǵyp ketti, dep habarlaıdy QazAqparat tilshisi.
Aqmola oblysynyń ІІD baspasóz qyzmetinen habarlaǵandaı, «Nissan Primera» markaly avtokóliktiń ıesi Kókshetaýdaǵy Abaı kóshesimen kele jatyp, rettelmegen jaıaý júrginshiler jolynda jol bermeı, ótip bara jatqan 50 jastaǵy áıeldi qaǵyp ketken.
«Jol-kólik oqıǵasy saldarynan áıel ártúrli dene jaraqattarymen, synyqtarmen Aqmola oblystyq aýrýhanasyna jetkizildi», - dep habarlaıdy vedomstvonyń baspasóz qyzmetinen.
Qazirgi ýaqytta atalǵan oqıǵa boıynsha QR ÁQBK 610-baby 2-bóligi boıynsha (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) ákimshilik is qozǵalǵan. Avtokólik aıyp turaǵyna jetkizildi.
Aıta ketsek, avtokóliktiń avtotirkeýshisine túsip qalǵan jol-kólik oqıǵasy Instagramdy jarııalanǵan bolatyn.
