Kókshetaýda jaıaý júrginshi kóliktiń astyna tústi
KÓKShETAÝ. QazAqparat - Kókshetaýda jaıaý júrginshi kóliktiń astynda tústi, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstovonyń málimetinshe, bıylǵy mamyrdyń 29-ynda Kókshetaý qalalyq polıtsııa basqarmasynyń kezekshi bólimine oblys ortalyǵynyń turǵyny, 57 jastaǵy áıel habarlasyp, aǵasyn kólik qaǵyp ketkenin aıtqan.
«Anyqtalǵandaı, Toyota Camry avtokóligin basqarǵan Sandyqtaý aýylynyń 19 jastaǵy turǵyny Kókshetaý qalasynda Áýelbekov-Saǵadıev kósheleriniń qıylysynda 51 jastaǵy er adamdy qaǵyp ketti. Zardap shegýshi «sol jaqtaǵy san jáne oń jaqtaǵy ıyq qyltaıaqshalarynyń synýy» dıagnozymen Aqmola oblystyq aýrýhanasyna jetkizildi», - dedi vedomstvodan.
Qazirgi kezde osy oqıǵaǵa baılanysty Qylmystyq kodekstiń 345-babynyń 1 bóligi boıynsha sotqa deıingi is qozǵalyp, tergeý amaldary júrgizilip jatyr.
Osy rette tártip saqshylary oblys turǵyndaryn jol qozǵalysy erejesin saqtaýǵa jáne jolda júrgende abaı bolýǵa shaqyrady.
