Kókshetaýda jaıaý adamdy qaǵyp ketken júrgizýshi ustaldy
KÓKShETAÝ. QazAqparat - Kókshetaýda jaıaý adamdy qaǵyp, oqıǵa ornynan qashyp ketken júrgizýshi ustaldy, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, oqys oqıǵa 3 qarasha kúni Kókshetaý qalasynda oryn alǵan.
"Túngi saǵat 02:10-derde Əýezov kóshesiniń shetinde kele jatqan jaıaýdy belgisiz kólik qaǵyp ótken. Júrgizýshi zardap shekkenderge kómektesýdiń ornyna oqıǵa ornynan qashyp ketti. Zardap shekkender ana men onyń balasy ekeni anyqtaldy. Saldarynan 57 jastaǵy anasy aýrýhanaǵa jetkizilgen sətinde kóz jumdy. Balasy aman. Ókinishke oraı 29 jastaǵy balasy soqqan kóliktiń memlekettik nómirin baıqap úlgermegen. Alaıda, jedel-izdestirý sharasy barysynda kúdikti "Lada Largýs" kóliginiń 34 jastaǵy júrgizýshisi ustaldy. Kúdikti qylmysyn moıyndap, jol-kólik oqıǵasy kezinde uıaly telefonmen sóılesip otyrǵanyn jəne qylmystyq jaýapkershilikten qorqyp qashyp ketkenin aıtyp, aqtalmaq boldy", dep túsindirdi baspasóz qyzmetindegiler.
Qazirgi kezde, kúdikti ustalyp, QR QK 345 baby boıynsha sotqa deıingi is qozǵaldy.
