Kókshetaýda jaýyngerlik óner festıvali ótti
KÓKShETAÝ. QazAqparat - Kókshetaýda ulttyq jaýyngerlik óner festıvali ótti: oblys ortalyǵy sporttyq flesh-mobdy qabyldaǵan 11-shi qala boldy, dep habarlaıdy «QazAqparat» HAA tilshisi.
«Ulttyq jaýyngerlik festıval osymen Qazaqstannyń 11 aımaǵynda ótkizildi. Estafeta 7 mamyr kúni Shymkentten bastaý aldy. Eki aı boıy flesh-mob elimizdiń 17 aımaǵyn biriktirip, 6 shilde kúni elordadaǵy grand-festıvalmen aıaqtalady», - dedi Aqmola oblysy Deneshynyqtyrý jáne sport basqarmasynyń baspasóz hatshysy Mahabbat Bolshına.
Vedomstvonyń habarlaýynsha, Kókshetaýda ótken ulttyq jaýyngerlik óner festıvaline ár aımaqtan kelgen 12 federatsııanyń jaýyngerleri qatysqan. Grepplıng, karate, qol kúresi, mýaı-taı, djıý-djıtsý, pankratıon, qazaq kúresi, ýshý, dzıýdo t.b sport túrleri boıynsha 300-den astam jaýynger óz ónerlerin kórsetti.
«Búgingi tańda Aqmola oblysynda 10-nan astam túrli sektsııalar, balalardyń kúsh-jigerin damytyp qana qoımaı, patrıottyqqa, úlkenderge qurmet, kishilerge izet kórsetýge baýlıtyn shyǵys jekpe-jek óneri baǵytyndaǵy tutas federatsııalar men mektepter barshylyq», - dedi M.Bolshına.
