Kókshetaýda jataqhanadan órt shyǵyp, 10 adam evakýatsııalandy
KÓKShETAÝ. QazAqparat - Kókshetaýda jataqhanadan órt shyǵyp, 10 adam evakýatsııalandy, onyń ekeýi bala, dep habarlaıdy QazAqparat tilshisi oblystyq Tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetinshe, qarashanyń 5-de saǵat 16:47 shamasynda «101» telefon jelisine Kókshetaý qalasynyń Nazarbaev dańǵylyndaǵy 5 qabatty jataqhananyń bólmesinde órt shyqqandyǵy týraly habar tústi.
«Órtti sóndirýge dereý TJD jeke quramynan 19 adam jáne 5 birlik tehnıka jumyldyryldy. Órt aýmaǵy 8 sharshy metrdi qurady. Oqıǵa ornynan 10 adam evakýatsııalandy, onyń ekeýi bala. Sonymen birge, óz kúshimen qaýipsiz jerge shyqty. Órt saǵat 16:57 aýyzdyqtalyp, 17:02 sóndirildi. Qazirgi kezde, órt tehnıkalyq-zertteý júrgizilip, órttiń shyǵý sebepteri anyqtalýda», - dedi vedomstvodan.
