Kókshetaýda jataqhanadaǵy órtke baılanysty tergeý bastaldy
KÓKShETAÝ. QazAqparat- Kókshetaýdyń ortalyǵynda jataqhanadan shyqqan órtke baılanysty sotqa deıingi tergeý amaldary júrgizilýde, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, aqpannyń 17-de túngi saǵat 02:00 shamasynda Nazarbaev dańǵylyndaǵy jataqhana turǵyny polıtsııaǵa habarlasyp, áıelimen urysyp qalǵan kórshisi páterdi órtep, 4 qabattaǵy terezeden sekirip ketkenin aıtqan.
Keıin 35 jastaǵy er adam Aqmola oblysynyń kópbeıindi aýrýhanasynda kóz jumdy.
Osyǵan deıin habarlaǵanymyzdaı , jataqhanadaǵy órtke baılanysty 120 adam (onyń ishinde 25 bala bar) evakýatsııalandy.
Órtten keıin emdeý mekemesine opat bolǵan er adamnyń áıelimen birge taǵy eki adam ystan ýlanyp jatqyzyldy. Qazirgi kezde osy oqıǵaǵa baılanysty QR QK 105-babynyń 1-bóligi boıynsha sotqa deıingi tergeý amaldary qolǵa alynyp, sot- medıtsınalyq saraptama taǵaıyndaldy.
