Kókshetaýda jasóspirim qyz kópqabatty turǵyn úıdiń shatyrynan sekirmek boldy

KÓKShETAÝ. QazAqparat – Kókshetaýda tártip saqshylary kópqabatty turǵyn úıdiń shatyrynan sekirmek bolǵan jasóspirim qyzdy qutqaryp qaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.

Vedomstvonyń málimetinshe, bul týraly búgin mamyrdyń 9-da saǵat 16:10 shamasynda jedel basqarý ortalyǵyna habarlanǵan. Qońyraý shalǵan adamnyń aıtýynsha, tanysy Abaı kóshesi, 135 meken jaıyndaǵy kópqabatty úıdiń tóbesine sekirmek bolyp kóterilgen.

«Shaqyrý ornyna patrýldik polıtsııa qyzmetkerleri Beıbit Sadyqov pen Ádilhan Qoıbaǵar baǵyttaldy. Sol mańdaǵy polıtsııa beketinde bolǵan tártip saqshysy Narıman Nurjaksın birinshi bolyp jetti. Tártip saqshylary 12-qabatqa joǵary kóterilip, úıdiń shatyrynda turǵan qyzdy raıynan qaıtaryp, tómen túsirdi», - dedi vedomstvodan.

Qazirgi kezde, polıtsııa 2009 jylǵy jasóspirimniń mundaı árketke barý sebebin anyqtap jatyr.

Aıta ketsek, budan buryn Aqmola oblysynda toq soqqan jumysshynyń ólimine baılanysty is qozǵalǵanyn jazǵan edik.

Aslan Ospanov.

Aqmola oblysynda toq soqqan jumysshynyń ólimine baılanysty is qozǵaldy.