Kókshetaýda jarylǵysh zat qoıyldy degen habarǵa baılanysty kópqabatty turǵyn úıden 26 adam qaýipsiz jerge kóshirildi
ASTANA. Qazannyń 1-i. QazAqparat - Kókshetaý qalasynda jarylǵysh zat qoıyldy degen anonımdi habarǵa baılanysty kópqabatty turǵyn úıden 26 adam qaýipsiz jerge kóshirildi.
QR TJM-nyń taratqan aqparatyna sáıkes, keshe, qyrkúıektiń 30-y kúni saǵat 21.07-de Aqmola oblysy boıynsha Tótenshe jaǵdaılar departamentiniń kezekshi bólimine qońyraý shalynyp, Elemesov kóshesi, 67 meken-jaıynda ornalasqan turǵyn úıdiń páterleriniń birine jarylǵysh zat qoıylǵandyǵy týraly habarlady.
Tótenshe jaǵdaıdy joıý úshin meken-jaı boıynsha shuǵyl áreket etý qyzmetiniń 30 adamy men 6 tehnıkasy dereý jetti. Biraq arnaıy is-sharalardan keıin jarylǵysh zat tabylmady.
