Kókshetaýda jarty mln teńgege jýyq aqsha urlaǵan zeınetker ustaldy
KÓKShETAÝ. QazAqparat – Aqmola oblysynda bireýdiń bank kartochkasy men jarty mıllıon teńgege jýyq aqshasyn urlaǵan 61 jastaǵy qarııa ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, urlyq qazannyń 4-de ortalyq bazardaǵy saýda úıleriniń birinde bolǵan. Aryzdanýshy 37 jastaǵy áıeldiń sózinshe, belgisiz bireý onyń bank kartochkasy men 400 myń teńgeden astam aqsha salynǵan ámııanyn urlaǵan.
«Oqıǵa ornyna jetken jedel tergeý toby saýda úıiniń ishi-syrtynda ornatylǵan beınebaqylaý kamerasyn, Jedel basqarý ortalyǵyndaǵy kamera jazbalaryn tekserdi», - deıdi PD baspasóz qyzmetindegiler.
Vedomstvodan atap ótkendeı, tergeý amaldary nátıjesinde Zerendi aýdanyndaǵy aýyldardyń birinen kelgen 61 jastaǵy qart áıel anyqtalyp, odan zattaı aıǵaqtar tárkilendi.
Osyǵan oraı polıtsııa qyzmetkerleri turǵyndarǵa óz múlkin qorǵaýda saq bolýǵa shaqyrady. Urlyq bolǵan kezde birden polıtsııaǵa habarlasý qajet.
