Kókshetaýda jappaı tóbeleske qatysqandar ustaldy
KÓKShETAÝ. QazAqparat - Kókshetaýda oıyn-saýyq ornynyń mańynda jappaı tóbeles uıymdastyrǵandar ustaldy, dep habarlaıdy QazAqparat tilshisi.
Aqmola oblystyq polıtsııa departamenti baspasóz qyzmetiniń málimetinshe, «102» nómirine Kókshetaý qalasyndaǵy oıyn-saýyq ornynyń mańynda tóbeles bolyp jatqany týraly habar túsken.
Oqıǵa ornyna patrýldik polıtsııa ekıpajy men tergeý-jedel toby jiberildi.
«Polıtseıler anyqtaǵandaı, 19-23 jastaǵy jastar oıyn-saýyq mekemesinde otyrǵan. Keıin qaskúnemderdiń biri mas bolyp, basqa jastar otyrǵan ústelge baryp, urys shyǵarǵan», - dep túsindirdi vedomstvodan.
Polıtsııa qyzmetkerleriniń jedel áreketiniń nátıjesinde tóbeleske qatysqandar oqıǵa ornynda ustaldy. Barlyǵy 4 adam, sonyń ishinde bas kúdikti - buryn buzaqylyq áreketi úshin qylmystyq jaýapqa tartylǵan 20 jastaǵy oblys ortalyǵynyń turǵyny da ustaldy.
«Qazirgi ýaqytta QR QK 293-baby 3 bóligi 2 tarmaǵy boıynsha sotqa deıingi tergeý júrip jatyr», - dedi vedomstvodan.
Avtory: Oksana Matasova
