Kókshetaýda jańajyldyq shyrshanyń shamdary jaǵyldy
KÓKShETAÝ. QazAqparat - Kókshetaýda Abylaı han alańynda ornatylǵan jańajyldyq basty shyrshanyń shamdary jaǵyldy, dep habarlaıdy QazAqparat tilshisi.
Merekelik sharany tamashalaýǵa qala turǵyndary men qonaqtary kóptep jınaldy.
Jınalǵandardy kele jatqan Jańa jyl merekesimen Aqmola oblysynyń ákimi Málik Myrzalın quttyqtady.
«Jańa jyl - balalar men eresekter kútetin mereke. Olardyń árqaısysy Jańa jylda ǵajaıyp bolady dep úmittenedi. Bul merekeniń basty nyshany - shyrsha. Búgin biz dástúrli túrde onyń shamdaryn jaǵý úshin jınalyp otyrmyz. Eski jyldy jaqsy nátıjelermen qorytyndyladyq. Barlyǵymyz birge jaqsy jetistikterge qol jetkizdik jáne keler jylǵa óte úlken josparlarymyz bar», - dedi oblys basshysy.
Aımaq basshysynyń quttyqtaý sózinen keıin shyrsha shamdary jaǵylyp, aspanǵa túrli tústi otshashý atyldy. Abylaı han alańyna salynǵan muz qalashyǵy osy kúnderi kókshetaýlyqtardyń baratyn eń súıikti ornyna aınalyp otyr.
