Kókshetaýda janar-jaǵar maı quıý stansasyn tonap ketti
KÓKShETAÝ. QazAqparat - Kókshetaýda operatordyń syrtqa shyqqan sətin paıdalanǵan ury janar-jaǵar maı quıý stansasyn tonap ketti, dep habarlaıdy QazAqparat tilshisi.
ІІD baspasóz qyzmetiniń deregi boıynsha aqpannyń 3-i kúni keshkilik ýaqytta Kókshetaý qalalyq ІІB kezekshilik bólimine qalanyń ortasyndaǵy janar-jaǵar maı quıý stansasynyń operatorynan aryz túsken. Aryzdanýshynyń sózinshe, belgisiz bireýler operatordyń joqtyǵyn paıdalanyp stansasynyń aýmaǵyna kirip, kassadaǵy aqshany jymqyryp ketken.
"Osyǵan baılanysty QR QK 188 babynyń 1 bóligi boıynsha sot aldy tergeý amaldary júrgizilýde. Kúdiktini ustaýǵa Kókshetaý qalalyq ІІB jeke quramy tartyldy", dep túsindirdi baspasóz qyzmetindegiler.
