Kókshetaýda jańadan salynyp jatqan meıramhanadan órt shyqty
KÓKShETAÝ. QazAqparat - Kókshetaýda jańadan salynyp jatqan meıramhananyń tóbesinen órt shyqty, dep habarlaıdy QazAqparat tilshisi Aqmola oblysynyń TJD baspasóz qyzmetine silteme jasap.
«Keshki saǵat 20:44-terde «Kóktem» shaǵyn aýdanynda salynyp eki qabatty «Han Saraı» meıramhanasynyń tóbesinen órt shyqqandyǵy týraly aqparat tústi. Tilsiz jaýdy aýyzdyqtaýǵa TJD jeke quramynan 47 qyzmetker jáne 12 tehnıka jumyldyryldy. Oqıǵa ornynan 5 adam evakýatsııalandy. Órt saǵat 21:05 aýyzdyqtalyp, 21:18 tolyq sóndirildi. Órt aýmaǵy 20 sharshy metrdi qurady. Odan zardap shekkender joq», - dedi Aqmola oblysynyń TJD baspasóz hatshysy Dınara Esenbaeva.
