Kókshetaýda jańa jyldyq basty shyrshanyń shamy jaǵyldy
KÓKShETAÝ. QazAqparat - Búgin oblys ákimi Sergeı Kýlagınniń qatysýymen Kókshetaýdaǵy Táýelsizdik alańynda ornatylǵan jańa jyldyq basty shyrsha shamdary jaǵyldy, dep habarlaıdy "QazAqparat" HAA tilshisi.
Merekelik sharany tamashalaýǵa qala turǵyndary men mektep oqýshylary kóptep jınaldy. Kúnniń sýyqtyǵyna qaramastan, saltanatty sharaǵa balalardyń deni Jańa jyl merekesine saı kıinip kelipti.
Jınalǵandar aldynda sóz sóılegen oblys ákimi Sergeı Kýlagın kókshetaýlyqtardy kele jatqan Jańa jyl merekesimen quttyqtaı kele, bıylǵy jyldy tabysty aıaqtap, aldaǵy jyly jaqsylyqtarǵa jetýlerine tilektestigin bildirdi.
Aımaq basshysynyń quttyqtaý sózinen keıin shyrsha shamy jaǵylyp, aspanǵa túrli tústi otshashý atyldy. Təýelsizdik alańyna salynǵan muz qalashyǵy osy kúnderi kókshetaýlyqtardyń baratyn eń súıikti ornyna aınalyp otyr.
