Kókshetaýda Jańa jyldy merekeleýge 45 mln teńge jumsalady

Kókshetaý qalasynda Jańa jyl merekesine daıyndyq jumystary júrgizilip jatyr, dep habarlaıdy Kazinform. 

Qala ákimdigi baspasóz qyzmetiniń málimetinshe, Jańa jyl merekesine oraı qalany bezendirý úshin «Kókshe tazalyq» JShS merdiger uıymymen 45 mln teńgege memlekettik satyp alý sharty jasalǵan.

Osy shart negizinde oblys ortalyǵyndaǵy Abylaı han alańynda muz qalashyǵy salynady, onda bıiktigi – 22 metr. Jańa jyldyń basty shyrshasy ornatylyp, túrli tústi jaryqdıotty shamdarmen jáne áshekeı buıymdarmen bezendiriledi. Qazirgi kezde shyrsha qurastyrylyp jatyr.

Sonymen birge, 2024 jylǵa ótetin jol bıiktigi 3 m jáne uzyndyǵy 12 metr, onyń aldyńǵy bóliginde bıiktigi 1 metr jáne uzyndyǵy 80 metr qorshaý, Aıaz ata kompozıtsııasy jáne Aıaz atanyń úsh tulpary men shanasynyń kompozıtsııasy, segiz keıipker, «Syılyq» kompozıtsııasy, «Qysqy aı» kompozıtsııasy, jańa jyldyq shamdary bar kúmbez, sakýra jáne aq aǵashtar, sondaı-aq, qalanyń ortalyq kóshelerindegi jaryq baǵandaryna túrli tústi jaryq panel kronshteınderin ornatý qarastyrylǵan. Munyń bári jaryqdıodty dızaınmen jasalady.

Budan bólek, Abylaı han alańynda, «Dostar» mádenıet úıi men «Bolashaq saraıyna» aldynda bir úlken, bir kishirek syrǵanaıtyn muz tóbeshik ornatylady. Sondaı-aq, oblystyq fılarmonııanyń janynda, Zastantsıonnyı, Vasılkovskıı, Saryarqa, Tsentralnyı, Qulager, Beıbitshilik, Jaılaý shaǵynaýdandarynda, Abylaı han dańǵyly men Shuǵyla kóshesinde bir shyrshadan ornatylmaq.

«Muz qalashyǵyn paıdalaný kezinde ony kútip ustaý, keıin bolǵan soń bólshektep jınastyrý kózdelgen. Merekelik is - sharalarǵa arnalǵan shyǵystardy qysqartý maqsatynda buryn belgilengen jáne jaramdy kúıde turǵan bezendirý elementterin qaıta satyp alý júrgizilmeıdi», - dep qala ákimdiginiń baspasóz qyzmetinen.

Aıta ketsek, budan buryn Aqmola oblysynda qys aılarynda qaıda demalýǵa bolatynyn jazǵan edik.