Kókshetaýda jańa týǵan Əlı dombyraly boldy

KÓKShETAÝ. QazAqparat - Kókshetaýdaǵy Aqmola oblystyq perınataldyq ortalyǵynda Ulttyq dombyra kúni birinshi bolyp, dúnıege esigin ashqan sábıdiń ata-anasyna dombyra syıǵa tartý etildi, dep habarlaıdy QazAqparat tilshisi.

Qazaqstan halqy Aqmola oblysy assambleıasy uıymdastyrǵan sharanyń basty maqsatty, ulttyq qundylyǵymyzdy dáripteý arqyly qazaq halqynyń basty mýzykalyq aspaby dombyrany nasıhattap, keleshek urpaq úshin mura retinde qaldyrý.

Shara barysynda Qazaqstan halqy Aqmola oblysy assambleıasy hatshylyǵynyń meńgerýshisi Rınat Gallıamov búgin birinshi bolyp týǵan ul balanyń anasy, kókshetaýlyq Əsem Nesipaevaǵa QHA belgisi bar ulttyq aspap dombyrany syıǵa tartty.

«Nəreste búgin túngi saǵat 01:00 dúnıege kelgen. Boıy 54 santımetr, salmaǵy 4,8 keli. Ata-anasy uldaryna Əlı dep at qoıdy. Búgin bul perzenthanada barlyǵy 4 nəreste dúnıe esigin ashty»,- dep túsindirdi Aqmola oblystyq perınataldyq ortalyǵynyń dərgerleri.