Kókshetaýda jańa qoǵamdyq avtobýstar jolǵa shyqty
KÓKShETAÝ. QazAqparat - Elorda kúnin merekeleý aıasynda Kókshetaýda jańa avtobýstar jolǵa shyqty, dep habarlaıdy QazAqparat tilshisi.
Oblys ortalyǵyndaǵy «Abylaı han» alańynda ótken saltanatty sharaǵa Aqmola oblysynyń ákimi Ermek Marjyqpaev pen qala turǵyndary qatysty.
«YUTONG» markaly 31 avtobýs «Kókshetaý avtobýs parki» jaýapkershiligi shekteýli seriktestiginiń bastamasymen memlekettik-jekeshelik áriptestik sheńberinde «Saryarqaavtoónerkásip» kompanııasynan satyp alynǵan jáne qoǵamdyq kólik qyzmetteriniń sapasyn arttyrýǵa baǵyttalǵan.
«Búgin barshańyzdy eń aldymen Nur-Sultan qalasy kúnimen quttyqtaımyn. Aqmola astanalyq oblys ekeni belgili. Sondyqtan, oblys ortalyǵy Kókshetaý qalasynyń syrt kelbetin jańartyp, kóshelerin jańǵyrtý boıynsha aýqymdy jumystar júgizilýde. Munyń barlyǵy qala turǵyndarynyń qatynap júrýine qolaıly jaǵdaı jasaýǵa baǵyttalǵan. Búgingi qoldanysqa berip otyrǵan avtobýstarymyz sonyń alǵashqylary. Aldaǵy ýaqytta qalaishilik baǵyttaǵy avtobýstardy tolyq júz paıyz aýystyrý josparda bar», -dedi aımaq basshysy Ermek Marjyqpaev. 
«Kókshetaý avtobýs parki» jaýapkershiligi shekteýli seriktestiginiń dırektory Ásııa Shárimovanyń aıtýynsha, bul joba qalalyq ákimdiktiń «Kókshetaý qalasynda jolaýshylar kóligin jańǵyrtý» jobasy sheńberinde qolǵa alynyp otyr.
Jalpy, atalmysh avtobýs parki tarapynan barlyǵy jańa úlgidegi 44 avtobýs satyp alynǵan. Búgin onyń 31-i qoldanysqa berilse, aldaǵy kúnderi qalǵan 13-i jetkizilmek. Bul joba boıynsha qoldanystaǵy tozyǵy jetken avtobýstardy aýystyrý qarastyrylǵan.
«Jańa kólikter jergilikti klımat jaǵdaıyna beıimdelgen, beınebaqylaý, kondıtsıoner, symsyz ınternet jelisi jáne jylytý júıesimen jabdyqtalǵan. Elektrondy bılet almasý júıesi bar. Sondaı-aq, múmkindigi shekteýli jandar úshin kótergish te qarastyrylǵan», - deıdi Ásııa Shárimova.
