Kókshetaýda jańa fýtbol alańy salynady
ASTANA. QazAqparat - Kókshetaý qalasynda jańa fýtbol stadıony salynatyn boldy. Bul týraly Vesti.kz portaly "Oqjetpes" klýbynyń dırektory Nıkolaı Panınge siltememen habarlady.
- Stadıonnyń jobasy bar. Osy jyldan bastap Kókshetaý qalasynyń ıÝbıleınyı aýdanynda stadıonnyń qurylysy bastalady. Qazir stadıondy soǵýǵa qansha aqsha ketetinin dál aıta almaımyn. Óıtkeni, joba men kelerge deıin daıyndalyp qoıǵan. Stadıon segiz myń jankúıerge arnalyp, Qopa ózeniniń jaǵasynda ornalasady. Ol jerdiń topyraǵy qatty. Sondyqtan jasandy kógal tóseledi, - deıdi Panın.
Qazirgi ýaqytta "Oqjetpestiń" bıylǵy maýsymdy qaıda bastaıtyny belgisiz bolyp tur. Eger naýryzda "Astana-Arena" stadıonynyń kógalyn ózgertetin bolsa, kókshetaýlyq komanda premer-lıgadaǵy oıyndaryn Şýchınsk qalasyndaǵy "Jaqsy" bazasynda ótkizýi múmkin.
