Kókshetaýda jalpyulttyq jobalardy júzege asyrý máseleleri talqylandy
«Nur Otan» partııasynyń sezi aldynda ótkizilgen sharada partııanyń «Baqytty otbasy», «Halyqqa kómek», «Qutty meken» jáne «Aýyl el besigi» atty tórt jalpyulttyq jobalaryn júzege asyrý máseleleri talqylandy. Konferentsııa jumysyna «Nur Otan» partııasy Aqmola oblystyq fılıalynyń tóraǵasy, oblys ákimi Ermek Marjyqpaev qatysty.
Jıynda sóz alǵan «Nur Otan» partııasynyń Birjan sal aýmaqtyq fılıalynyń tóraǵasy, aýdan ákimi Ermek Nuǵymanovtyń aıtýynsha, «Aýyl el besigi» partııalyq jobasy sheńberinde «Bastaý bıznes» baǵdarlamasy boıynsha 3 jyl ishinde aýdanda 88 adambıznespen aınalysý úshin shaǵyn nesıe alǵan.
«Dıplommen aýylǵa!» baǵdarlamasy boıynsha aýdanǵa 35 jas maman kelgen. Bul jas mamandardyń barlyǵyna kórme jaárdemaqy jáne baspana satyp alýy úshin bıýdjettik nesıe retinde memlekettik qoldaý kórsetildi. Medıtsınalyq joǵary oqý oryndarynda bilim alyp jatqan 5 stýdenttiń oqý úshin 2 mıllıon teńgeden astam qarjy bólindi.
Al, áleýmettik jaǵynan az qamtylǵan jáne kóp balaly otbasylardy qoldaýǵa baǵyttalǵan «Baqytty otbasy» jobasyna keletin bolsaq, «Nur Otan» partııasynyń Shortandy aýmaqtyq fılıaly tóraǵasynyń birinshi orynbasary Ahmedııa Qojaseıitov atap ótkendeı, aýdanda 11 otbasyna jalpy sommasy 1 893 000 teńge kóleminde ataýly áleýmettik kómek taǵaıyndalyp, tólengen. Joba qolǵa alynǵan az ýaqyttyń ishinde Shortandy aýmaqtyq partııa fılıaly men bastaýysh partııa uıymdary jergilikti atqarýshy organdarmen birlesip, qyrýar jumys tyndyryp otyr. Jalpy, qoǵamdyq qabyldaýǵa kóp balaly 18 ana júginip, 23 ótinish qaraldy, onyń ishinde 9 ótinish oń sheshimin tapty.
«Materıaldyq kómek kórsetý máselesi ózekti bolyp otyr. Osyǵan oraı, aǵymdaǵy jyldyń naýryz aıynda Naýryz Challenge sheńberinde qaıyrymdylyq sharalar, jármeńkeler, aktsııalar ótip, kóp balaly jáne áleýmettik jaǵynan az qamtylǵan otbasylarǵa metsenattar, kásipkerler, oblystyq jáne aýdandyq máslıhattardyń depýtattary baryp, kómek kórsetti. Osynyń arqasynda 251 otbasyǵa barlyǵy 2,3 mıllon teńgeniń kóleminde qajetti azyq-túlik, kıim-keshek, kómir satyp áperildi», deıdi Ahmedııa Qojamseıitov.
«Qutty meken» jobasy boıynsha Jaqsy aýdanynda bıylǵy jyly 27 páterli turǵyn salý josparlanyp otyr. Bul úılerge áleýmettik jaǵynan az qamtylǵan otbasylar qonystanatyn bolady. Jaqys selosynda keler 2020 jyly taǵy 27 páterli turǵyn úıdiń qurylysyn qolǵa alý josparda bar.
Partııanyń aýmaqtyq fılıaldarynda «Halyqqa kómek» jobasy da oıdaǵydaı júzege asyrylýda. Turǵyndar túıitkildi máselelerin qoǵamdyq qabyldaý arqyly ǵana emes, áleýmettik jeli arqyly jetkize alady.
Osy oraıda, elimizdegi iri aýyl sharýashylyǵy taýarlaryn óndirýshi, «Zarechnyı» JShS dırektory, Esil aýdanynyń qurmetti azamaty, QR bilim salasynyń úzdigi, metsenat, «Úzdik adam» halyqaralyq entsıklopedııasyna engen Ýálıhan Áripov joǵaryda atalǵan áleýmettik jobalardyń birazyn óz aýylynda sátti júzege asyryp otyrǵany barshaǵa aıan. Sol sebepti, ol partııalastaryn osy jobaǵa belsendi qatysýǵa, sondaı-aq, aldaǵy QR Prezıdentiniń saılaýynda belsendilik tanytýǵa shaqyrdy.
Konferentsııa sońynda «Nur Otan» kezekten tys sezine qatysatyn delegattar saılandy. 
