Kókshetaýda jalǵan jıhaz jasaýshy ustaldy
KÓKShETAÝ. QazAqparat - Kókshetaýda onnan astam adamdy san soqtyryp ketken jalǵan jıhaz jasaýshy ustaldy, dep habarlaıdy «QazAqparat» HAA tilshisi ІІD baspasóz qyzmetine sliteme jasap.
Polıtseılerdiń málimeti boıynsha er adam jergilikti turǵyndarǵa jıhaz jasap beremin degen jeleýmen aldyn ala aqshasyn alyp keıin iz-tússiz joǵalyp ketip otyrǵan. Qazirgi kezde kúdiktiniń onnan astam qylmysy dáleldenip otyr.
«Kúdikti jıhaz jasap, qurastyratyny týraly tanymal saıttarǵa jarnamalap otyrǵan. Onyń osyndaı alaıaqtyq jolmen aqsha taýyp otyrǵanyna bir jylǵa jýyq ýaqyt bolǵan. Kúdikti jeke kásipkerdiń móri basylǵan esep aırysý qujattaryn (jabylyp qalǵan JK qujattary men móri) usynǵanyna baılanysty zardap shekkender birden polıtsııaǵa habarlamaǵan. Tipti keıbir adamdardan aldyn ala tólem retinde júz myńǵa jýyq aqsha alǵan.
Polıtseıler 13 adamnyń kúdiktiniń arbaýyna túsip, san soǵyp qalǵanyn anyqtap otyr. Qazirgi kezde kúdiktiniń ústinen alaıaqtyq boıynsha QR QK 190 babynyń 2 bólimi boıynsha sotqa deıingi óndiristik is qozǵaldy. Atalǵan sanktsııa boıynsha kúdikti 4000 AEK aıyppul tóleýi nemese 4 jylǵa deıingi merzimge bas bostandyǵynan aıyrylýy múmkin», dep kórsetilgen habarlamada.
