Kókshetaýda jalǵan qujatpen kólik aıdaǵan mas júrgizýshi ustaldy
KÓKShETAÝ. QazAqparat – Kókshetaýda kólik júrgizý quqyǵynan aıyrylǵan er adam jalǵan qujatpen mas kúıinde kólik aıdap júrgen kezinde ustaldy, dep habarlaıdy QazAqparat tilshisi jergilikti PD baspasóz qyzmetine silteme jasap.
Vedomstvonyń málimetinshe, jol patrýldik polıtsııasy batalonynyń qyzmetkerleri Vernadskıı kóshesiniń boıynda kúdik týǵyzǵan «Lada Largýs» markaly kóligin toqtatqan.
«Qujattaryn tekserý kezinde 45 jastaǵy júrgizýshiniń masań kúıde bolǵany anyqtaldy. Tártip saqshylary onyń ústinen QR QK 346 baby boıynsha is qozǵady. Sonymen birge, er adamnyń kólik júrgizýshi qujatty jalǵan bolyp shyqty. Anyqtalǵandaı, ol 2018 jyly sot sheshimimen kólik júrgizý quqyǵynan aıyrylǵan», - deıdi vedomstvodan.
Qazirge jalǵan qujat jasaý qatysty Qylmystyq kodekstiń 385 baby boıynsha da is qozǵaldy. Tártip saqshylary, tergeý barysynda jalǵan qujatty jasaǵan adam da anyqtalyp, qylmystyq jaýapkershilikke tartylatynyn aıtýda.
