Kókshetaýda zeınetkerge qaraqshylyq shabýyl jasaǵan kúdikti ustaldy
KÓKShETAÝ. QazAqparat - Kókshetaýda zeınetkerge qaraqshylyq shabýyl jasaǵan kúdikti ustaldy, dep habarlaıdy QazAqparat tilshisi PD baspasóz qyzmetine silteme jasap.
Vedomstvonyń deregi boıynsha, kúdiktini ustaýǵa az ǵana ýaqyt ketken.
«4 jeltoqsan kúni saǵat 13:55-te Kókshetaý PB kezekshilik bólimine 71 jastaǵy jergilikti turǵyn habarlasty. Zardap shegýshiniń sózinshe, kólik ishinde otyrǵanda beıtanys jigit ony pyshaqpen qorqytyp, 54 000 myń teńge aqshasyn tartyp alǵan. Zeınetkerdiń aıtýynsha, tártip saqshylary birden kúdiktini ustaý sharalaryn qolǵa aldy. JBO beınekameralaryndaǵy jazbany teksere kele, polıtseıler kúdiktini anyqtady. Nátıjesinde jol-patrýl polıtsııa batalonynyń qyzmetkerleri sol mańnan 36 jastaǵy kúdiktini qolǵa túsirdi», - dep túsindirdi vedomstvodan.
Kúdiktini zardap shegýshi birden tanyp, qaltasynan zattaı aıǵaqtar alyndy. Qazirgi kezde, osy oqıǵaǵa baılanysty is qozǵalyp, sotqa deıingi tergeý amaldary júrgizilýde. Sonymen qatar, kúdiktiniń osyndaı qylmys úshin buryn sotty bolǵany anyqtalyp otyr.
