Kókshetaýda zamanaýı úlgidegi shańǵy joly bar demalys jəne mədenıet saıabaǵy salynýda
KÓKShETAÝ. QazAqparat - Kókshetaýda zamanýı úlgidegi shańǵy joly bar demalys jəne mədenıet saıabaǵy salynýda. Bul týraly oblys ákimi Sergeı Kýlagınniń Kókshetaýdaǵy birqatar áleýmettik-óndiristik nysandardyń jumysymen tanysýy barysynda aıtyldy, dep habarlaıdy QazAqparat.
Eske sala keteıik, oblys ortalyǵyndaǵy bir kezderi keńes úkimeti úshin kúresken revolıýtsıoner aty berilgen saıabaq sońǵy jyldary qaraýsyz qalǵan bolatyn. Oblys əkiminiń tapsyrmasyna səıkes bıyldan bastap qala əkimdigi atalǵan nysandy qalpyna keltirýdi qolǵa aldy. Qazirgi kezde, munda əkimshilik turmystyq korpýstyń qurylysy júrgizilýde. Qala basshylyǵynyń məlimeti boıynsha atalǵan ǵımarattyń qurylysyn aıaqtaý úshin 25 mıllıon teńge qarjy qajet kórinedi. Oblys əkimi bul qarjy jaqyn kúnderi beriletinin aıtty. Oǵan qosa, qala basshylyǵyna saıabaqtaǵy ózge nysandardyń qurylysy men qalpyna keltirý jumystaryn zamanaýı úlgide halyqtyń demalýyna barlyq múmkindikti qarastyryp júrgizýdi tapsyrdy.
«Saıabaqty shirigen aǵashtardan tazartyp, qosymsha tez ósetin aǵash kóshetterin otyrǵyzý jáne demalyp otyratyn oryndyqtar ornatý qajet. Sonymen qatar saıabaqtyń jer bederin tıimdi paıdalana otyryp, shańǵy, júgirý jáne velosıped joldaryn salý kerek. Munda turǵyndardyń otbasymen kelip demalyp, kóńil kóterýi úshin qajetti qyzmet pen ınfraqurylymnyń barlyǵy qarastyrylýy qajet», - dedi oblys ákimi Sergeı Kýlagın.
Osy rette aımaq basshysy qala basshylaryna osyndaı saıabaqtary bar Astananyń tájirıbesin zerttep, eń jaqsy degen nusqalary boıynsha jumys isteýdi tapsyrdy.
