Kókshetaýda zamanaýı úlgidegi aıaldamalar ornatylýda
KÓKShETAÝ. QazAqparat - Kókshetaý qalasynda zamanaýı úlgidegi aıaldamalar ornatylýda. Qazir Abylaıhan dańǵyly boıynda osyndaı úsh aıaldama bar, dep habarlaıdy QazAqparat tilshisi qala ákimdiginiń baspasóz qyzmetine silteme jasap.
Vedomstvonyń málimetinshe, aıaldamany ornatýdy qala ákimdiginiń tapsyrysy boıynsha merdiger «Dızaın sıtı» jaýapkershiligi shekteýli seriktestigi qolǵa alyp otyr. Jyl sońyna deıin qala kósheleriniń boıynda jańa 17 aıaldama ornatý josparlanǵan.
«Jańa aıaldamalardy ornatýdyń da óz reti, tártibi bar. Aralyq ólshemderin mólsherlegende eń aldymen, jolaýshylardyń aǵymy eskeriledi. Jańa aıaldamalar jolaýshylar úshin yńǵaıly. Aıaldamaǵa qazaqtyń oıýymen bezendirilgen jáne ataýy jazylatyn taqtaısha ornatylyp, qoǵamdyq kólik baǵyttarynyń júrý syzbalary kórsetiledi. Saýda sóresi, qoqys konteıneri men oryndyqtyń bolýy da qarastyrylǵan», – deıdi qala ákimdiginiń baspasóz qyzmetindegiler.
