Kókshetaýda «We are together with NS» fototúsirilimi ótti

KÓKShETAÝ. QazAqparat – Kókshetaýda Nur-Sultan qalasy kúni qarsańynda «We are together with NS» fototúsirilimi ótti, dep habarlaıdy QazAqparat tilshisi.

Oblystyq jastar resýrstyq ortalyǵy uıymdastyrǵan baıqaýǵa kásibı jáne áýesqoı fotograftar qatysty.

«Negizgi taqyryp - Elorda aıasyndaǵy foto. Oblys boıynsha 200-den astam jumys jasaldy. Fototúsirilim Elordamyzdyń kórikti jerlerin kórsetý úshin uıymdastyrylǵanyn atap ótkim keledi», - dedi jastarmen jumysty úılestirý bóliminiń basshysy Maqpal Janarysova.

Baıqaý jeńimpazdaryn eń úzdik fotosýretterdi baǵalaı otyryp, ótip bara jatqan adamdar qoıǵan laıktar sany boıynsha anyqtady. Birinshi oryndy Sandyqtaý aýdanynan Karına Tagıeva, ekinshi oryndy Birjan sal aýdanynan Aıgerim Shamenova, úshinshi oryndy Egindikól aýdanynan Ánýar Qasenov ıelendi.

Jeńimpazdar syılyqtarmen jáne dıplomdarmen marapattaldy.