Kókshetaýda volonterlerge arnalǵan trenıng ótti
Bul shara oblystyq jastar resýrstyq ortalyǵy men «Qazaqstan Respýblıkasynyń jergilikti áskeri jáne Aýǵan soǵysy ardagerleriniń keńesi» qoǵamdyq birlestiginiń muryndyq bolýymen uıymdastyryldy.
«Volonterlerdiń jaýapkershilik shekarasy: ómirlik qajetti daǵdysy. Alǵashqy medıtsınalyq kómek kórsetý» taqyrbymen ótken semınar barysynda volonterlik qyzmettiń baǵyty men ustanymy, sondaı-aq, «volonterlik» termıniniń «qaıyrymdylyq» sózinen aıyrmashylyǵy sııaqty máselelerge jaýap izdep kórdi.
Osy rette Nur-Sultan qalasynan kelgen «Qazaqstan Respýblıkasynyń jergilikti áskeri jáne Aýǵan soǵysy ardagerleriniń keńesi» qoǵamdyq birlestiginiń bıznes-jattyqtyrýshysy Qamal Bektursynova Aqmola oblysynda volonterlikti damytý boıynsha birqatar naqty sharalardy júzege asyrý josparlanyp otyrǵandyǵyn atap ótti.
«Aqmola oblysynda volonterlerdiń 10-ǵa jýyq startap jobalaryn qoldaý jáne júzege asyrý úshin, volonterler men volonterlik uıymdarmen jumys boıynsha úılestirý sharalaryn uıymdastyrý baǵytynda birqatar sharalar qarastyrylǵan. Alda «Qamqor» jelisi boıynsha kóp jumystar tur. Bul bizdiń elimiz úshin mańyzdy, biz buly jumysty birlese atqaratyn bolamyz», - dedi Qamal Bektursynova.
Semınar sońynda kýrstan ótken volonterlerge arnaıy sertıfıkattar tabys etildi. Endigi kezekte volonterler qarttar úı, áleýmettik ortalyqtaryndaǵy jumystarǵa tartylatyn bolady.