Kókshetaýda velosıpedshilerdiń kıim úlgileri tanystyryldy
KÓKShETAÝ. QazAqparat-Kókshetaýda Astana qalasynyń 20 jyldyǵyna oraı velosıped sportynan Aqmola oblysynyń ashyq chempıonaty ótti, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasy baspasóz qyzmetiniń málimeti boıynsha, jarysqa óńirdegi eń úzdik degen veloshabandozdar qatysty.
Osy rette, oblys ákiminiń orynbasary Vasılıı Krylov pen velosport sportyna demeýshilik tanytyp júrgen azamattar Kókshetaý qalasyndaǵy olımpıadalyq rezervter daıarlaıtyn oblystyq mamandandyrylǵan №7 balalar men jasóspirimderdiń mektep-ınternatynyń tərbılenýshilerine 10 sporttyq velosıped, 70 dana kıim úlgileri jəne ózge de sporttyq qural-jabdyqtardy syıǵa tartty.
Sonymen qatar jarys sheńberinde velosıped sporty boıynsha oblys quramasynyń kıimi tanystyryldy.
Aqmola oblysynyń dene shynyqtyrý jáne sport basqarmasy basshysynyń orynbasary Əset Búkibaevtyń sózinshe, osy kıimmen oblystyń veloshabandozdary respýblıkalyq jarystarǵa qatysatyn bolady.
«Oblys əkimdigine, velosıped sporty federatsııasynyń prezıdenti Sergeı Smırnovqa jəne demeýshilerge sportshylar atynan alǵys bildiremin. Bul kıimder bizdiń kóńilimizden shyqty», dep atap ótti trıatlonnan halyqaralyq dərejedegi sport sheberi, ulttyq quramanyń múshesi Oksana Grot.
