Kókshetaýda «VAZ 2110» kóligin polıtsııa patrýli qýyp júrip ustady
KÓKShETAÝ. QazAqparat - Kókshetaýda «VAZ 2110» kóliginiń júrgizýshisi jol erejesin birneshe ret buzdy. Polıtsııa patrýlderi atalmysh kólikti qýyp júrip ustaǵany áleýmettik jelide jarııalandy, dep habarlaıdy QazAqparat tilshisi Aqmola oblysynyń PD baspasóz qyzmetine silteme jasap.
Vedomstvonyń málimetishe, búgin tártip saqshylary Abaı jáne Altynsarın kósheleriniń qıylysynda baǵdarshamnyń qyzyl túsine qaramaı ótip ketken kólikti baıqap, sońyna túsedi.
Áýelbekov kóshesiniń boıynda atalmysh kólikke qýyp jetip, júrgizýshisine toqtaýdy talap etedi. Alaıda, jol erejesin buzǵan júrgizýshi polıtsııanyń talabyna qulaq aspaı, odan saıyn jyldamdyǵyn asyryp, Nazarbaev dańǵylyna qaraı bet alady. Osy kezde onyń sońynan birneshe polıtsııa patrýli sońyna túsip, qýady. Al, qashqan kólik júrgizýshisi taǵy da baǵdarshamnyń qyzyl túsine toqtamaı, joldyń qarsy baǵytyna shyǵyp, tutas jolaqtan ótip ketedi.
Qashýǵa qansha tyrysqanymen tártip saqshylary ony Áýelbekov jáne Ǵabdýllın kósheleriniń qıylysynda qorshap, qolǵa túsiredi.
«VAZ 2110» kóliginiń 1997 júrgizýshisi baǵdarshamnyń qyz túsi men tutas jolaqtan ótip ketti. Munysymen qoımaı polıtsııanyń toqtaý týraly talabyn oryndamady. Anyqtalǵandaı, kólik júrgizýshisi Kókshetaý qalasynyń turǵyny. Al kóligi Reseıde tirkelgen. Qazirgi kezde, júrgizýshige qatysty tekseris júrgizilýde«, - dep túsindirdi vedomstvonyń baspasóz qyzmetindegiler.
