Kókshetaýda úzdik jamby atýshy anyqtaldy
KÓKShETAÝ. QazAqparat - Kókshetaýda ultyq oıyn jamby atý boıynsha týrnır ótkizildi, dep habarlaıdy QazAqparat tilshisi.
Aqmola oblysynyń dene shynyqtyrý jáne sport basqarmasynyń málimeti boıynsha Kókshetaýdyń irgesindegi Krasnoıar kentinde Ulttyq sport túrleri boıynsha Balýan Sholaq atyndaǵy balalar men jasóspirimderdiń sport mektebi uıymdastyrǵan týrnır barysynda tóreshiler jigitterdiń jyldamdyǵy men mergendigine baǵa berdi.
Jarysqa 30 jýyq jigit qatysyp, sheberlikterin ortaǵa saldy. Oqýshylar arasynda Dáýlethan Rahman úzdik atansa, eresekter arasynda Nursultan Júsipálın jeńimpaz dep tanyldy.
Eske sala keteıik, jamby atý - qazaqtyń kóne oıyndarynyń biri sanalady. Attyń ústinde shaýyp kele jatqan adam sadaǵymen nysanaǵa tigilgen jambyny atyp túsirgen. Jamby retinde kúmis nemese altynnan jasalǵan taıtuıaqtar nemese teńgeler tigilip otyrǵan. Jambyny atyp túsirgen jigit sol jambyny syı retinde ózine qaldyratyn bolǵan.
Eske sala ketsek, 2013 jyly Astana qalasynda «Túrik halyqtarynyń ulttyq oıyndary halyqaralyq qaýymdastyǵy» quryldy. Oǵan Qazaqstan, Təjikstan, Ózbekstan, Túrkııa, Əzerbaıjan, Majarstan jəne Qyrǵyzstan elderi kirdi.
