Kókshetaýda úıinen ketip qalǵan jasóspirim tanysynyń kóliginen tabyldy
KÓKShETAÝ. QazAqparat - Kókshetaýda urysyp úıden ketip qalǵan 15 jastaǵy jasóspirim tanysynyń kóliginen tabyldy, dep habarlaıdy QazAqparat tilshisi Aqmola oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, 21 jeltoqsanda Kókshetaý qalalyq polıtsııa basqarmasyna oblys ortalyǵynyń 38 jastaǵy turǵyny habarlasyp, 15 jasar ulynyń úıden ketip qalǵanyn jáne onyń qaıda júrgeni belgisiz ekenin aıtqan.
«Anasynyń aıtýynsha, kúndiz ol oǵan jumysqa barǵan, onda kámelet jasqa tolmaǵan bala men jalǵa berýshi sózge kelip qalǵan. Áıel jasóspirimniń qylyǵyna narazy boldy, keıin osynyna ókindi. Anasy úıge kelgende ulyn tappady. Óz izdep kórgenimen odan esh nátıje shyqpaǵan keshki saǵat 21:00 áıel polıtsııadan kómek surady», - dedi vedomstvodan.
Dereý arnaıy izdestirý toby quryldy, onyń quramyna krımınaldyq, ıývenaldyq polıtsııa qyzmetkerleri, sondaı-aq ýchaskelik ınspektorlar kirdi. Іzdeý sharalaryna joǵalǵan jasóspirimniń synyptastary men dostary da atsalysty. 22 jeltoqsan kúni túngi saǵat 01:30-da jasóspirim tanysynyń kóliginen tabyldy.
«Jasóspirimge qatysty eshqandaı zańsyz áreketter jasalmaǵany anyqtaldy. Polıtsııa qyzmetkerleri jasóspirimmen áńgimelesip, esepke qoıdy», - dep tolyqtyrdy vedomstvodan.
