Kókshetaýda úıinen ketip qalǵan qyz arnaıy mektepke ornalastyrylýy múmkin
KÓKShETAÝ. QazAqparat - Kókshetaýda joǵalyp ketken 13 jastaǵy jasóspirim qyz qaraýsyz qalǵan úıden tabyldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, 2017 jyldyń 24 mamyrynda Kókshetaý qalalyq ІІB kezekshilik bólimine 1948 jylǵy áıel habarlasyp, bir kún buryn 13 jasar nemeresiniń úıden iz-túzsiz ketip qalǵanyn aıtqan.
«Jedel izdestirý sharasy barysynda polıtseıler joǵalǵan qyzdy Kókshetaý qalasyndaǵy elevator mańyndaǵy qaraýsyz qalǵan úıden aman-esen tapty. Jasóspirim oblys ortalyǵyndaǵy mektepterdiń birinde 5-synypta oqıdy.
Ájesiniń sózine qaraǵanda, jasóspirimniń anasy qaıtys bolǵan. Sol sebepti ol nemeresin óz qamqorlyǵyna alǵan. Alaıda, nemeresi osyǵan deıin de birneshe ret úıinen ketip qalyp otyrǵan.
«Qazirgi kezde kámelettik jasqa tolmaǵan qyzdy Shyǵys Qazaqstan oblysynyń Serebrıansk qalasyndaǵy arnaıy mektep-ınternatyna ornalastyrý máselesi qaralyp jatyr», dep túsindirdi baspasóz qyzmetindegiler.
