Kókshetaýda uıaly telefondar urysy ustaldy
KÓKShETAÝ. QazAqparat - Kókshetaýda saýda úıleriniń birinen 7 uıaly telefondy úptep ketken stýdent ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha aǵymdaǵy jyldyń 21 naýryzynda Kókshetaý qalalyq ІІB kezekshilik bólimine 30 jastaǵy jergilikti turǵyn aryzdanǵan. Aryzdanýshynyń sózine qaraǵanda, belgisiz bireýler qaladaǵy saýda úıiniń terezesin buzyp kirip, uıaly telefon satatyn dúńgirshekten 7 birdeı «Samsýng» telefondaryn alyp ketken. Keltirilgen shyǵyn kólemi 310 000 teńgeni qurady.
«Jedel izdestirý sharasy barysynda kúdikti bes kún ótken soń ǵana ustaldy. Onyń jergilikti joǵary oqý ornynyń stýdenti ekendigi anyqtaldy. 23 jastaǵy kúdikti urlanǵan telefondardyń tórteýin Astana qalasynda satyp ta úlgergen. Qalǵandaryn polıtseıler zattaı aıǵaq retinde tárkiledi. Kúdikti urlyqty mas bolǵandyqtan jasaǵanyn aıtýda.
Qazirgi kezde, kúdiktiden túsinikteme alynyp, QR QK 188 babynyń 1bólimi boıynsha sotqa deıingi is qozǵaldy», dep kórsetilgen habarlamada.
