Kókshetaýda úsh qyzdy jezókshelikpen aınalysýǵa ıtermelegen 25 jastaǵy áıel ustaldy

KÓKShETAÝ. QazAqparat - Kókshetaý qalasynda jeńgetaılyqpen aınalysqan 25 jastaǵy áıeldiń ústinen is qozǵaldy, dep habarlaıdy QazAqparat tilshisi.

Aqmola oblystyq polıtsııa departamenti baspasóz qyzmetiniń málimetinshe, kúdikti oblys ortalyǵynda páter jaldap, jeńgetaılyqpen aınalysqan.

«Atap aıtqanda, jeńgetaı klıentterine ıntımdik qyzmet kórsetý úshin úsh áıeldi paıdalanǵan. Olardyń biri oblys ortalyǵynyń turǵyny bolsa, ekeýi ózge eldimekenderden kelgender. Qazirgi ýaqytta osyǵan baılanysty Qylmystyq kodekstiń 308-baby (jezókshelikpen aınalysýǵa tartý) boıynsha sotqa deıingi tergeý júrip jatyr», - dedi vedomstvodan.

Jyl basynan beri Aqmola oblysynda jezókshelikpen aınalysatyn 22 adam anyqtalyp esepke qoıyldy.

Aıta ketsek, budan buryn marıhýana satqan aqmolalyq zeınetker 12 jylǵa sottalǵanyn jazǵan edik.