Kókshetaýda úsh kúnde 6 páter tonaǵan kúdikti ustaldy
KÓKShETAÝ. QazAqparat - Kókshetaýda páter tonaýmen aınalysqan kúdikti ustaldy. Kúdiktiniń 6 qylmysqa qatysy bary anyqtaldy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimeti boıynsha, aǵymdaǵy jyldyń 6 qańtarynda Kókshetaý qalalyq PB kezekshilik bólimine 30 jastaǵy jergilikti turǵyn habarlasyp, qańtardyń 5-6 kúnderi páterin belgisiz bireýler tonap ketkenin aıtqan.
Zardap shegýshiniń sózinshe, urylar páterdiń plastık terezesin buzyp kirip, 800 AQSh dollary men altyn buıymdaryn qoldy qylǵan. Shyǵyn kólemi 500 myń teńgeni qurap otyr.
«Jedel-izdestirý sharasy kezinde kúdikti, Ekibastuz qalasynyń 29 jastaǵy turǵyny ustalyp, qamaýǵa alyndy. Kúdiktiniń úsh kún ishinde 6 páter tonaý qylmysyna qatysy bary anyqtaldy», - dedi vedomstvodan.
Qazirgi kezde kúdiktiniń ústinen QR QK 188 baby (tonaý) boıynsha is qozǵalyp, sotqa sotqa deıingi tergeý amaldary júrgizilýde.
