Kókshetaýda urlyqshynyń «oljasy» bir býma ottyq boldy
ASTANA. 24 shilde. QazAqparat - Kókshetaý qalasynda urlyqshy bir toǵanaq ottyq urlady, dep habarlaıdy oblystyq ІІD-niń baspasóz qyzmeti.
«Polıtseılerge kúdiktini «izin sýytpaı» ustaýǵa beınebaqylaý kameralary kómektesken. Keıin anyqtalǵanyndaı qaskúnem qaladaǵy azyq-túlik dúkenderiniń birine kirip, ashyqtan-ashyq bir býma ottyq urlap ketken. Dúken ıesine bul qylyq 2000 teńge shyǵyn keltirgen», - dep jazylǵan departament habarlamasynda.
Urlyq jasaǵan jigit oqıǵa ornynan izin tezirek sýytýǵa tyrysqan. Alaıda qala kóshelerinde ornatylǵan beınekameralar ony uzatpaı-aq kisendeýge múmkindik berdi. Ortalyqtaǵy kezekshi ınspektor qaladaǵy patrýldik polıtsııaǵa onyń qaı jerde júrgendigin habarlaǵan. Bir saǵat ýaqytqa jetpeı, polıtsııa qyzmetkerleri 19 jasar kúdiktini ustady. Odan qoldy bolǵan ottyqtar tabyldy.
