Kókshetaýda UOS ardageri men tyl eńbekkerine qurmet kórsetildi
Bir ǵasyrǵa jýyq jasaǵan qarııa 1923 jyly Altaı ólkesinde dúnıege kelgen. Ómiri ońaı bolǵan joq. Uly Otan soǵysy jyldary mektep bitirgen soń, Bıısk qalasynan maıdanǵa attanyp, ekinshi Ýkraına maıdany quramyndaǵy zenıt polkynda jaýǵa qarsy soǵysty. «Germanııany jeńgeni úshin» medali, Otan soǵysy ordenimen marapattalǵan. Osy kúni qarııa Vasılkovka shaǵyn aýdanynda jalǵyz turady. Týystarynyń ishinde Lıýbov jáne Taısııa esimdi sińilileri ǵana bar. Qarııanyń úmiti de, súıenishi de osylar.
«Zulmat soǵystyń aýyrtpalyǵy bizdi aınalyp ótpedi. Qan maıdanǵa attanyp, Otan úshin jaýmen shaıqastyq. Soǵys aıaqtalysymen Qazaqstanǵa kóship keldik. Apaly-sińili úsh qyz edik. 1948 jyly Kókshetaý qalasyna qonys aýdaryp, osynda «Turmystyq hımııa» fabrıkasynda aǵa sheber, keıin tseh basshysy qyzmetinde boldym. Zeınetkerlikke shyqqannan beri jergilikti basshylyq tarapynan udaıy qamqorlyq kórsetilip keledi. Halqymyzdyń beıbitshilikte, baqýaty ómir súrip jatqany úshin Elbasymyzǵa alǵysym sheksiz. 8 naýryz barshamyzǵa tek jaqsylyq ákelsin», dedi keıýana.
Qarııanyń týǵan sińilisi - Taısııa Mazýrovanyń aıtýynsha, ápkesine Kókshetaý qalalyq jumyspen qamtý jáne áleýmettik baǵdarlamalar bólimi tarapynan áleýmettik kómek kórsetilip keledi. Áleýmettik qyzmetshiler qarııanyń úıine baryp, densaýlyǵyn baqylap, úı sharýasyna kómektesýde. Qarııanyń páterinde bolǵan Nurlan Jańbyrshyuly soǵys ardagerin oblys ákiminiń atynan quttyqtap, saltanatty túrde gúl shoǵy men azyq-túlik toly sebetin syılady.
«Sizdi kóktemniń alǵashqy merekesi - 8 naýryz kúnimen shyn júrekten quttyqtaımyn! Ana - qashanda tirshiliktiń tiregi, búkil adamzattyń tárbıeshisi, jaqsylyqtyń bastaýy. Halqymyz árqashan áıel zatyn qasterlegen, yrys pen yntymaqtyń altyn dińgegine balaǵan. Elbasymyz Nursultan Nazarbaevtyń parasatty, salıqaly saıasatynyń nátıjesinde elimizde áıelder quqyǵy men múddesin qorǵaýǵa erekshe kóńil bólinip keledi», deı kele oblys ákiminiń orynbasary qarııanyń densaýlyǵyn surap bilip, ómir joly týraly áńgimelesti.
Osy kúni Kókshetaý qalasynda turatyn jasy toqsandy alqymdaǵan taǵy bir qarııa, tyl eńbekkeri Dámeli Mahmetovany da oblystyq ishki saıasat basqarmasynyń basshylyǵy úıine baryp quttyqtap, laıyqty qurmet kórsetti. Qazirgi kezde zeınetker Baýyrjan Momyshuly kóshesiniń boıyndaǵy turǵyn úıde jalǵyz ózi turady. Jan joldasy 2009 jyly ómirden ozǵan. Ájeı tórt qyzdan tórt jıen tórt jıenshar súıip otyr. On úsh jasynan traktor aıdaǵan qarııa túrli salada eńbek etken. Zeınet jasyna deıin tiginshi boldy. Qyzdary ájeıge qamqorlyq tanytyp, kómektesip otyrady. Búgingi kúni Dámeli ájeıdiń ómir joly keleshek jastar úshin úlgi-ónege deýge bolady.
Mereke qarsańynda oblystyq ishki saıasat basqarmasy basshysynyń orynbasary Gúlmıra Kárimova qart ájeıge jyly lebizin bildirip, gúl shoqtary men syılyǵyn tartý etti.
«8 naýryz kúni merekesi qarsańynda analar men ájelerge qurmet kórsetý úlken abyroı. Bul joly qart ájemiz 8 naýryz merekesin 90 ret qarsy alǵaly otyr. Sol sebepti, qarııanyń shańyraǵyna kelip, osy merekemen quttyqtaýymyz óte oryndy boldy», degen Gúlmıra Toqtarqyzynyń sóziniń jany bar. 
