Kókshetaýda «Uly dalanyń uly esimderi» baıqaýynyń qorytyndysy shyǵaryldy

KÓKShETAÝ. QazAqparat – Aqmola oblysynda «Uly dalanyń uly esimderi» oblystyq baıqaýynyń 2-kezeńiniń qorytyndysy shyǵaryldy, dep habarlaıdy QazAqparat tilshisi oblystyq bilim basqarmasynyń baspasóz qyzmetine silteme jasap.

Vedomstvonyń málimetinshe, Kókshetaý qalasyndaǵy daryndy balalarǵa arnalǵan №3 mamandandyrylǵan mektep-ınternatynda ótken baıqaýdyń maqsaty – bilim salasynda pedagogtardyń ǵylymı-zertteý jáne oqý-tanymdyq qyzmetin arttyrý.

Baıqaý «Aqmola oblysynyń tarıhı eskertkishteri», «Ólketaný - ulttyq jańǵyrý», «Máńgilik el» jáne «Rýhanı jańǵyrý» baǵdarlamalary jalpyulttyq qundylyqtar ıdeıasyn tárbıe jumystaryna engizý (Ashyq aspan astyndaǵy murajaı)», «Kókshe óńiriniń Uly esimderi» baǵyttary boıynsha ótti.

«Baıqaý qatysýshy pedagogtar ózderiniń ǵylymı – tanymdyq jobalaryn tanystyrdy. Onyń ishinde Býrabaı, Shortandy, Esil, Aqkól sııaqty birqatar aýdandar jaqsy nátıje kórsetti»,- Aqmola oblystyq bilim basqarmasynyń baspasóz qyzmetindegiler.

Úzdikteri Aqmola oblysynyń bilim basqarmasynyń dıplom jáne aqshalaı sertıfıkatymen marapattaldy. Barlyq qatysýshy oblystyq oqý-ádistemelik kabınetiń sertıfıkatyna ıe boldy.