Kókshetaýda ulttyq murany nasıhattaıtyn oblystyq kórme ótti
Elbasynyń «Bolashaqqa baǵdar: rýhanı jańǵyrý» maqalasyn júzege asyrý sheńberinde qolǵa alynǵan sharaǵa Nur-Sultan, Kókshetaý, Stepnogorsk qalary jáne oblystyń 12 aýdanynan kelgen 11-17 jas aralyǵyndaǵy jasóspirimder qatysty.
Kórmeni Aqmola oblystyq bilim basqarmasynyń qoldaýymen Ónerpaz daryndy balalarmen jumys júrgizý jónindegi oblystyq oqý-ádistemelik ortalyǵy uıymdastyrdy.
Jeńimpazdar «Jaramsyz materıaldardan jasalǵan buıym», «Tabıǵı materıaldardan jasalǵan buıym», «Turmysqa arnalǵan kreatıvti buıymdar», «Ulttyq kolorıti bar ıntererdiń erekshe dızaın-jobasy: úıdiń, bólmeniń, saıajaıdyń, landshaftynyń jáne t.b.», «Matadan jasalǵan buıymdar (quraq tehnıkasy, jumsaq oıynshyq jáne t.b.)», «Óńirdiń kórkemdik jáne halyqtyq qolóneri» tárizdi alty atalym boıynsha anyqtaldy. Ony QR Sýretshiler odaǵy jáne Eýrazııa dızaınerler odaǵynyń músheleri, dotsentterden quralǵan kásibı qazylar tańdady.
«Men mundaı deńgeıdegi kórmege birinshi ret qatysyp otyrmyn. Ózi jumysymda qazaq halqynyń turmys saltyn, uldar men qyzdardyń ómirin kórsetkim keldi. Men óz týyndymda fetr jáne foamıran matalaryn qoldandym. Osyndaı sharaǵa qatysý úshin ata-babalarymyzdyń salt-dástúrin, ádet-ǵurpyn bilýimiz kerek», -deıdi kórmege qatysýshy, Makınsk qalasyndaǵy 9-synyp oqýshysy ıÝlııa Novıkova.
Kórme qorytyndysy boıynsha, Júzim Muhambaeva, (Astrahan aýdany), Dıana Ábdrahmanova (Zerendi aýdany), Elena Ǵabıdýlınna (Sandyqtaý aýdany), Alına Kýdrıavtseva (Stepnogorsk qalasy) birinshi, Gaýhartas Tursymbaeva (Jaqsy aýdany), Nıkıta Kasıanova (Býrabaı aýdany), Ksenııa Ermakova (Shortandy aýdany), Veronıka Pavlenko (Atbasar aýdany) ekinshi, al, Denıs Berıaznıchenko (Stepnogorsk qalasy), Gúlnur Estaı (Shortandy aýdany), Danagúl Murat jáne Maksım Mashevskıı (Astrahan aýdany) úshin oryn ıelendi.
Birinshi oryn alǵandar aǵymdaǵy jyldyń 2-3 qarashasy aralyǵynda Shymkent qalasynda ótetin respýblıkalyq baıqaýda baq synaıtyn bolady.
