Kókshetaýda Túrki jazýy kúnine arnalǵan konferentsııa ótti
Shara kóne túrki jazýyn zerttep, nasıhattaýǵa jáne ulttyq qundylyqtarymyzdy dáripteýge baǵyttalǵan.
«Kezinde ata-babalarymyz qoldanǵan Túrki rýna jazýlary - bizdiń búgingi maqtanyshymyz, ulttyq baılyǵymyz», - dep atap ótti Aqmola oblysy ákiminiń orynbasary Aına Mysyrálimova.
Túrki jazýyn zerttegen ǵalymdar Uly kóshpendiler órkenıetiniń turmysynda, mádenıetinde, salt-dástúrinde biregeı túrki grafıkasyn qoldaný erekshelikteri men paıda bolýyn pash etti.
«Ár adam Uly dala halqynyń tarıhyn bilýi úshin osyndaı is-sharalar uıymdastyrylyp turǵany mańyzdy», - dedi Shoqan Ýálıhanov atyndaǵy Kókshetaý memlekettik ýnıversıtetiniń qazaq fılologııasy kafedrasynyń professory Sábıt Jámbek.
Túrki jazýy kúnine arnalǵan shara kontserttik baǵdarlamaǵa ulasty.
«Jyl saıyn ótkizý dástúrge aınalǵan mundaı shara myńdaǵan jyl buryn Qazaqstan aýmaǵynda kóne órkenıettiń, tarıhı úrdisterdiń bolǵany týraly bilimimizdi keńeıtýge múmkindik beredi», - deıdi konferentsııaǵa qatysýshylar.
Aıta keteıik, 2014 jyldyń 18 mamyrynan bastap jyl saıyn Túrki jazýynyń kúni atalyp keledi.
